قدام تدهور حالة الإقتصاد، و قدام الطرق اللي تحاول تلقى فيهم الدولة للخروج مالأزمة الإقتصادية اللي نحنا فيها (ما فهمتش أنا تونس وقتاش ما كانتش في أزمة إقتصادية؟ طول عمارنا و نحنا في الديون و من أزمة لأزمة..)
أول مرّة السوق السوداء اللي تعتمد على التهريب تنجم تكون عطات الحل للدولة، الكناطرية اللي يدخلو في الزطلة و غرقو السوق بيها خلقو مجال تجاري اللي هو بيعان الزطلة،
و الدولة عاملة قانون من عام 1992 تحارب في التجارة الغير مشروعة و الإستهلاك خارج الأطوار اللتي يسمح بها القانون كيما يقولو باش الناس ما تتكيفش..أما اللي نشوفو فيه الناس الكل إنو القانون هذا فشل.. موش كان في تونس، لكن في أغلب دول العالم، الحبس ما يربيش العباد.
ياخي فما دول من العالم المتقدم (اللي وصلو للمراتب العليا خاترهم قادرين على إتخاذ قرارات جديدة موش مكبشين في أفكار من عهد التلفزة منغير صوت) قررو إنهم يسيبو اللعب، من الدول هاذي كندا و برشا ولايات أمريكية و غيرها من الدول الأخرى..
الدول هاذم ما قننوش إستهلاك الكوكايين و الهاروين، قننو إستهلاك الcannabis، ياخي موش الكلها مخدرات؟ لا، خاتر بعد الأبحاث العلمية اللي ليها سنين و اللي فيهم أبحاث دامت أكثر من 20 سنة خرجو بنتيجة إنو القنّب لاهو هاروين ولاهو كيف المخدرات لخرين، بالفلاقي المظرّة متاع سيقارو ليجار اللي تبيعلنا فيه الدولة أكثر بياسر من كيلو زطلة (بالطبيعة موش زطلة الكناطرية اللي يزرقولها في الدواء و يخلطو فيها بالسيراج و الصلصال و عجالي الكراهب و الله أعلم من مصارن شكون خرجت باش وصلت للمستهلك..)
كيفاش هذا ينجم يكون حل للإقتصاد ؟ ساهلة ياسر، كيما نزرعو في الطماطة و الفلفل و الزيتون نزرعو معاه شويا Sativa و indica لأغراض صناعية، طبيّة و ترفيهية (ماهو الشعب يحب اللعبة أكثر من صاحبتو)
الأرقام اللي لاحظناها في الدول اللي بدات في التقنين تورينا إنو برشا فلوس قاعدة ترجع للميزانية متاعهم
و نتصور ماناش في حالة متاع الأمن و الأمان باش يكون عنا حلول أخرى،
أزرع، أحصد، بيع ساهلة العملية.
نعطيوك شويا أرقام :
كندا ربحت 3.96 مليار دولار في فيفري 2020 في ال PIB متاعها
ولاية كولورادو ربحت 270 مليار دولار من الTax على المبيعات اللي
تجاوزت 1.2 مليار دولار
و نحنا مازلنا نخممو كيفاش ننعشو قطاع السياحة و نصرفو في فلوس عالSTUP و الحبوسات..
مصدر خريطة العالم حسب تقنينها للقنّب :
