محمد رمزي حمزة : قصّة صراع مع المرض، و الحرمان من الحق الدستوري في العلاج.
حسب الدستور التونسي :
الفصل 3 من الدستور التونسي :
الشعب هو صاحب السيادة و مصدر السلطات، يمارسها بواسطة ممثليه المنتخبين أو عبر الإستفتاء.
و حسب الفصل 21 من الدستور التونسي :
تضمن الدولة للمواطنين و المواطنات الحقوق و الحريات الفردية و العامّة، و تهيئ لهم أسباب العيش الكريم.
الفصل 22 من الدستور التونسي :
الحق في الحياة مقدس، لا يجوز المساس به إلا في الحالات القصوى يضبطها القانون.
الفصل 38 من الدستور التونسي :
الصحّة حق لكل إنسان.
تضمن الدولة الوقاية و الرعاية الصحيّة لكل مواطن، و توفر الإمكانيات الضرورية لضمان السلامة و جودة الخدمات الصحيّة.
تضمن الدولة العلاج المجاني لفاقدي السند و لذوي الدخل المحدود. و تضمن الحق في التغطية الإجتماعية طبق ما ينظمه القانون.
و حسب الفصل الرابع من الدستور :
شعار الجمهورية التونسية هو : “حريّة، كرامة، عدالة، نظام”
هاذم حقوق أي مواطن تونسي حسب الدستور اللي هو يمثل سلطة أعلى من القانون في حد ذاتو، لكن هذا على الورق كيف نشوفو معطيات قضيّة رمزي.
كل مواطن تونسي، يقوم الصباح، يغسل وجهو، يعمل قهوة و يفطر فطور الصباح بعد يخرج مالدار في إتجاه خدمتو ولا قرايتو..
لكن هذا ابسط أحلام رمزي اللي ما طلب شيء من دولتو اللي هي مجعولة لخدمته و لتوفير العيش الكريم حسب الدستور
رمزي عندو syndrome de gilles de la tourette و اللي التعريف متاعو حسب ويكيبيديا
“متلازمة توريت ( Tourette syndrome) هي عبارة عن خلل عصبي وراثي يظهر منذ الطفولة المبكرة،تظهر أعراضه على شكل حركات عصبية لاإرادية متلازمة يصحبها متلازمات صوتية متكررة، ويمكن أن يتم قمع هذه التشنجات اللاإرادية، التي تزداد وتتضاءل، بشكل مؤقت، وعادة ما يسبقها إحساس غير مرغوب فيه في العضلات المتأثرة. ومن الحركات اللاإرادية المتكررة الشائعة هي امض العين، والسعال، وتطهير الحلق، وحركات الوجه. ولا تؤثر متلازمة توريت بشكل سلبي على الذكاء أو متوسط العمر المتوقع.“
Source : wikipedia
رمزي يطالب منذ سنوات بحقو في العلاج بالقنب اللي هو مادة مدرجة بالجدول ب و اللي حسب القانون يمنع استهلاك المواد هاذي في غير الأحوال المسموح بها قانونا
ايجا نقراو مع بعضنا القانون شنوا يقول
” الفصل 2 – يحجر تحجيرا باتا زراعة النباتات الطبيعية المخدرة المشار إليها بالفصل الأول من هذا القانون وكذلك استهلاكها أو إنتاجها أو حصادها أو مسكها أو حيازتها أو ملكيتها أو شراؤها أو نقلها أو ترويجها أو احالتها أو عرضها أو تسليمها أو الاتجار فيها أو توزيعها أو التوسط فيها أو توريدها أو تصديرها أو تصنيعها أو استخراجها أو تهريبها.
وتمنع بصفة باتة جميع العمليات الزراعية أو الصناعية أو التجارية المرتبطة بالمواد المخدرة إلا في الأحوال المسموح بها قانونا بالنسبة لميادين الطب والبيطرة والصيدلة والبحوث العلمية دون سواها. عملا بأحكام النصوص التشريعية والترتيبية الجاري بها العمل.”
يعني حسب القانون 52 رمزي عندو الحق يستهلك مادة القنب مادام فما غرض طبي ولكن كان باش يستهلك منغير ما تكون عندو رخصة تثبت انو استهلاكو يدخل تحت الأطوار المسموح بها قانونا يكون معرّض للسجن كيما اي مواطن.
حسب ما حكيت مع رمزي فانو حاول بالطرق الكل انو ياخو الرخصة من مطالب لوزارة الصحة لمقابلة نواب في المجلس و لكن ديما ما يلقاش حل و حتى المطالب ما يترفضوش لكن ما يتقبلوش زادة : التجاهل التام من قبل ادولة و الهياكل اللتي تمثل الدولة
سألت رمزي هل بخلاف القنب فما حلول اخرى قانونية ؟حسب كلامو و رحلتو في البحث عن الدواء موجود ادوية و متوفرين في الصيدليات لكن لهنا ديما يكونو فما أعراض جانبية تخليك تبعد عالدواء من الأعراض الجانبية اللي تنجم تصير : الموت الفجئي يعني هاذي مغامرة و توفى بالموت بعبارات أخرى هذا انتحار
اللي خلاني نحس و نفهم شويا حالة رمزي هو انو حكاياتنا متشابهين في مرحلة من حياتي وبحثي عن دواء لمرض نفسي و غقلي تم اضافة دواء للأدوية اللي ناخو فيهم معروف بانو دواء قوي و يساعد برشا لكن الدواء هذا يردك قنبلة تستنى في الانفجار و ما تموتش موت طبيعي خاتر مخلفاتو تضر الجسم و الاعضاء الكل بما فيها القلب و الكبد و المخ و الكلاوي.. و انا كيف رمزي نستنى وقتاش تونس تستعرف بالقنب الطبي باش نجم نتحصل على دواء طبيعي و ناجح و ما يكونش عملية انتحار..
برشا كيف رمزي في تونس و برشا أمراض تنجم تتداوى بعلاج طبيعي مستخرج من القنب و هكا نقصو من استعمال الأدوية الكيميائية اللي ممكن تسبب أمراض اخرى..
و في أغلب دول العالم القنب الطبي مسموح به و ختى منظمة الصحة العالمية اعترفت بالقنب كدواء علاش في تونس ديما موخرين على العالم ؟ و علاش الحقوق تقعد ديما حبر على ورق الدستور الذي أكله الحمار حسب قيس سعيد ؟ هل الدولة تتظر كيف رمزي يكون عندو دواء مستخرج من نبتة طبيعية ؟
باش تزيدو تفهمو أكثر تأثير القنب على حاملي متلازمة تةريت نخليكم مع الفيديو هذا :
